&... إطعــن بظــهري خنــاجر حبــك ...&

إطعن بظهري خناجر حبك اللي مايهون..
لو بظل أنزف جروحك دم صدقني أبيك..

ليه تظلمني وأنا اللي عشت عمري لك أصون..
وإن بقى ف العمر باقي لك أبتعنى وأجيك..

جيت أصونك وإنت عارف جيتني قاصد تخون..
خنتني من رغم تدري بن أنا ميت عليك..

بعتني ورحلت لكن لو يكون اللي يكون..
لو بغيت أشريه صدق أشتريهم وأشتريك..

بس أنا ماجيت برخص حبك اللي مايهون..
أشتريك بمال فاني وإنت في مالي شريك..

كنت في روحي وقلبي كنت في نور العيون..
كنت غالي بس ليتك مارخصت اللي يغليك..

من بعد ذيك المعزه لعنبوها من ضنون..
ماهجيت إلا أخونك ياعسى ربي يهديك..

وإنت تدري لك مكان وتدري إنك لي تمون..
وتدري إن الحب فيني من قبل لايكون فيك..

مثل ماقال الرويشد حبي لك حد الجنون..
حتى روحي ماتبيني يابني آدم تبيك..

من قدر يبعدك عني مستوى مثلي حنون..
رغم جرحك لي تصدق بس أنا خايف عليك..

كنت وأنت قبال عيني ماتهاب اللي يأذون..
ولا يتجرأ وإنت يمي بالأسى أحد يأذيك..

ومن غلاك الناس عندي كون وأنت بحالك كون..
لعنبوك الكون كله صار في رهنت يديك..

والدلع لجلك تدلل كل شكل وكل لون..
لو تبي هذي تمنى ماتبي قل هات ذيك..

لجلها عيونك تدلل لو أقضيها ديون..
بس ترضى قول مابي لو بغيته يفتديك..

بس تكفى لا طلبتك لاتصدق من يكون..
ولا تخلي حقدك اللي في ضميرك يعتليك..

وإن تحب إنسان عزك هو يبيك اليوم عون..
وإن بقلبك شخص غيري روح للي يشتهيك..

انت عالطلب ههههه
تسلم عالتألق